Mehul Kar

December 26, 2016

nani

poetry

Shaam hui, tere kaam ki
Teri manzil aa gayi
Nuks tere gum gaye
Dard tere tham gaye
Raat teri aa gayi

Muskurahat chhod gayi
Barso ke karmon mein tu
Dheere dheere pyaar se jo
Waqt se bhi lad gayi

Usne jo rastaa dikhaya
Uspe has ke chal gayi
Kaanto ko bhi pyaar de kar
Mishri ki mitthaas di

Humse door ho sahi
Aaj bicchdon se tu mil
Aas teri hum jalaayen
Tera Nagma hum sunaayein
Teri seva bas hui